автотрактор техникасын эвакуациялау

(Эвакуация автотракторной техники)

істен шыққан машиналарды бұзылған жерінен шығарып, жөндеу бөлімшелеріне (бөлімдеріне) немесе жинақтау пункттеріне жеткізу. Сондай-ақ ұрыс даласында тұрып қалған, батып кеткен, төңкерілген, зақымданған және қалдырылған машиналарды алып шығу мен жинақтау. Автотрактор техникасын эвакуациялау реті нақты жағдайға, машинаның орны мен техникалық жағдайына байланысты белгіленеді. Тәртіп бойынша, бірінші кезекте қалпына келтіруге еңбек шығыны мен уақытты аз керек ететін машиналар мен әскери машиналар эвакуацияланады. Жөндеуіне 1 сағ-тан артық уақыт кетпейтін, аз зақымдалған машиналар сол жерде бөлімшенің күш-құралдарымен немесе әскердің штат-тағы эвакуациялық бөлімшелерінің күшімен жөнделеді. Автотрактор техникасын эвакуациялауға тиісті бөлімшелер мен бөлімдердің командирлері жауап береді.